Лаванда асрлар давомида тинчлантирувчи ҳиди ва шифобахш хусусиятлари билан машҳур бўлиб келган. Ундан тайёрланган совун эса нафақат ёқимли ҳидга, балки терига кўплаб фойдали жиҳатларга эга.
1. Табиий антибактериал таъсир
Лаванда совуни бактерия ва замбуруғларга қарши табиий ҳимоячи ҳисобланади. Шунинг учун унинг ёрдамида майда тошмалар, акне ва терининг ифлосланиши камаяди.
2. Терини тинчлантиради
Лаванда ўзининг эфир мойлари билан терини юмшатади, қизариш ва қичишишни камайтиради. Хусусан, нозик тери эгалари учун ҳам жуда қўл келади.
3. Терини намлантиради ва ёшартиради
Лаванда совуни таркибидаги табиий мойлар терига чуқур кириб бориб, уни нам сақлайди. Шу билан бирга, антиоксидант моддалар тери ҳужайраларини эркин радикаллардан ҳимоя қилиб, қариш жараёнини секинлаштиради.
4. Асаб тизимига ҳам таъсир қилади
Душ ёки қўл ювиш пайтидаги лаванданинг хушбўй ҳиди инсонни тинчлантиради, стресс ва чарчоқни камайтиради.
Демак, лаванда совуни нафақат тери саломатлиги, балки умумий руҳий ҳолат учун ҳам табиий ёрдамчи ҳисобланади.
«Замин»ни Telegram’да ўқинг!
