Қулоқ эшитиш қобилияти билан бирга мувозанатни ҳам бошқаради. Шунинг учун унинг соғлом бўлиши кундалик ҳаётда жуда муҳим. Баланд овозли жойларда узоқ вақт қолиш ёки қулоқчинлардан кўп фойдаланиш эшитиш қобилиятига салбий таъсир кўрсатади.
Мутахассислар овоз баландлигини чеклаш ва қулоқчиндан фойдаланишда танаффус қилишни маслаҳат беришади. Шунингдек, қулоқни пахта таёқчалари билан чуқур тозалаш хавфли бўлиши мумкин, чунки у қулоқ пардасига зарар етказади.
Қулоқ саломатлигини сақлашда совуқдан ҳимояланиш ҳам муҳим. Шамолли об-ҳавода бош кийим кийиш, сузишдан сўнг қулоқни яхшилаб қуритиш инфекцияларнинг олдини олади.
Агар қулоқда оғриқ, шовқин ёки эшитишда қийинчилик сезилса, шифокорга мурожаат қилиш зарур. Вақтида кўрилган чоралар эшитиш қобилиятини сақлашга ёрдам беради.
«Замин»ни Telegram’да ўқинг!
