Лактоза интолеранси — организмда лактоза моддасини парчалаш учун зарур бўлган лактоза ферменти етарли ишлаб чиқилмаганида юзага келади. Унинг энг кўп тарқалган шакли генетик асосли бўлиб, ёш ўтиши билан фермент ишлаб чиқарилиши камаяди. Бу ҳолат айниқса Осиё, Африка ва Жанубий Америка аҳолиси орасида кўп учрайди.
Иккинчи тури — иккиламчи интолеранс ҳисобланиб, ичакнинг яллиғланиши, турли инфекциялар ёки жарроҳлик амалиётлари натижасида пайдо бўлади. Баъзи ҳолларда эса вақтинчалик кўринишда кузатилиши мумкин, масалан, грипп ёки ичак касалликлари пайтида.
Лактоза интолерансининг белгилари одатда сут ёки сут маҳсулотлари истеъмол қилинганидан кейин 30 дақиқа ичида намоён бўлади. Улар қуйидагилар: қорин оғриғи ва спазмлар, шишиш ва газ ҳосил бўлиши, ич кетиши ёки айрим ҳолларда қабзият. Шунингдек, кўнгил айниши, бош оғриғи, чарчоқ, уйқучанлик, мушак ва бўғимларда оғриқ ҳам кузатилиши мумкин.
Лактоза интолеранси оддий ҳолатдек туюлса-да, оғиз ва ичак саломатлигига жиддий таъсир кўрсатиши мумкин. Шу боис сут маҳсулотлари истеъмолида шахсий организм хусусиятларини ҳисобга олиш муҳим.
«Замин»ни Telegram’да ўқинг!
