Семириб кетиш – бу танадаги ғайритабиий вазн ортиши бўлиб, бу ҳолат организмдаги кўплаб тизимларнинг ишлашига салбий таъсир кўрсатиши мумкин. Вазн ортиши нафақат ташқи кўринишга, балки ички органларнинг соғлиғига ҳам жиддий зарар етказади. Семизликнинг биринчи ва энг катта хавфи – бу организмда турли касалликларнинг ривожланишига олиб келиши. Масалан, семириб кетиш диабет, юқори қон босими, юрак касалликлари ва инсулт каби хавфли касалликларни юзага келтириши мумкин. Буларнинг барчаси организмнинг нормал фаолиятини бузади ва узоқ муддатда саломатликка катта таҳдид солади.
Семизлик нафас олиш тизимига ҳам салбий таъсир кўрсатади. Ёғлар нафас олиш жараёнини қийинлаштириши мумкин, бу эса нафас қисишиши ва уйқуда нафас олиш муаммоларини келтириб чиқаради. Вазн ортиши, шунингдек, ҳаракатланишда қийинчиликларга олиб келади. Оёқ оғриғи ва бўғимларда оғриқларни келтириб чиқариши мумкин, бу ҳолат эса вақт ўтиши билан, оёқларда артрит ёки бошқа касалликларнинг ривожланишига сабаб бўлади.
Шунингдек, тадқиқотлар шуни кўрсатадики, ортиқча ёғ массаси гормон тизимига ҳам салбий таъсир қилади. Аёллар ва эркаклар жинсий тизимлари гормонлар таъсиридан энг кўп зарар кўради. Эркакларда семириш, айниқса қорин бўшлиғи атрофидаги ёғлар, тестостерон ишлаб чиқаришига салбий таъсир қилиши мумкин. Аёлларда эса, ортиқча ёғлар репродуктив тизимга таъсир қилиши, шунингдек, гормонал мувозанатни бузиши мумкин. Ҳомиладор аёллар учун семириб кетиш ҳам хавфли, чунки ҳомиладорликнинг дастлабки босқичларида ортиқча вазн чақалоққа ҳам зарар етказиши мумкин.
