Антиоксидантлар танамизни "эркин радикаллар" деб аталувчи зарарли молекулаларнинг салбий таъсиридан ҳимоя қилувчи бирикмалардир. Эркин радикаллар ҳужайраларга зарар етказиши ва турли касалликларга сабаб бўлиши мумкин. Бу жараён "оксидловчи стресс" деб аталади.
Антиоксидантлар инсон соғлиғи учун муҳим ҳисобланади, чунки улар бундай зарарларни камайтиришга ёрдам беради. Улар табиий равишда айрим мева-сабзавотлар, дон маҳсулотлари ва ёнғоқларда учрайди.
Кенг тарқалган антиоксидантларга қуйидагилар киради:
С витамини: лимон, апельсин, яшил сабзавотлар, қулупнай, қизил қалампир.
Е витамини: бодом, ёнғоқ, уруғлар, исмалоқ, ширин картошка.
Каротиноидлар: сабзи, қовоқ, исмалоқ каби сабзавотлар.
Селен: ёнғоқ, уруғлар, мол ва курка гўшти.
Флавоноидлар: чой, қаҳва, қизил вино, мева, сабзавот, шоколад.
Ликопен: помидор, тарвуз, папайя.
Антиоксидантлар саратони, юрак хасталиклари, диабет, альцгеймер, қариш ва бошқа касалликларнинг олдини олишда муҳим рол ўйнайди.
“Zamin”ни Telegram'да ўқинг!
