Электрон сигареталар (вейп) инсон саломатлиги учун кутилганидан анча хавфли экани яна бир бор исботланди. News Medical хабар беришича, сўнгги илмий изланишлар электрон сигарета истеъмоли миокард инфаркти — юрак хуружи юз бериш эҳтимолини жиддий даражада кучайтиришини кўрсатган.
BMC Public Health журналида эълон қилинган ушбу кенг қамровли тадқиқотда вейп фойдаланиши билан юрак хуружи ва инсульт хавфи ўртасидаги боғлиқлик атрофлича ўрганилган. Олимлар аввалги йилларда ўтказилган 12 та илмий ишни таҳлил қилиб, 430 875 нафар иштирокчи юрак хуружи хавфи учун, 1 миллиондан зиёд киши эса инсульт таҳлили учун қамраб олинган.
Юрак хуружи хавфи 53 фоизга юқори
Тадқиқот натижаларига кўра, электрон сигарета чекиш одатидан воз кечмаганлар юрак хуружига дуч келиш эҳтимолини 53 фоизга ошириб юборади. Энг ташвишлиси — оддий сигаретадан электрон сигаретага ўтганларда хавф янада юқори экани маълум бўлган.
Мутахассислар айтишича, аввал чекиб, кейин вейпга ўтган собиқ чекиб юрувчиларда инсульт хавфи умуман тамаки маҳсулотлари истеъмол қилмаганларга нисбатан 73 фоизга юқори бўлган. Бу эса электрон сигареталарни “бехавф” ёки “зарари кам” маҳсулот сифатида қабул қилиш мутлақо хато эканини англатади.
Нима учун вейп жиддий хавф солади?
Давлатлар ва тиббий тизимлар оддий сигарет чекишни уларнинг юрак-қон томир тизимига кўрсатадиган кучли зарари туфайли узоқ йиллардан бери асосий хавф омили сифатида қайд этиб келади. Тамаки саноати эса шу орқали электрон никотин етказиб бериш қурилмаларини “чекувчилар учун енгилроқ вариант” сифатида бозорга таклиф қилди.
Бироқ бу қурилмалардаги суюқликлар — никотин, пропилен гликол, ўсимлик глицерини ва турли ароматизаторлар қиздирилганда хавфли моддалар ҳосил қилади. Пропилен гликолнинг қиздирилиши натижасида юрак-қон томир касалликларига олиб келиши мумкин бўлган реактив бирикмалар, хусусан, алдегидлар ажралиб чиқиши таъкидланмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.