Норвегиялик олимлар инсониятнинг кучли ярими вакиллари учун кутилмаган ва бироз ташвишли маълумотни очиқладилар.
Тадқиқот натижаларига кўра, инсон ёши улғайган сари мия ҳажми табиий равишда кичрайиб боради. Бироқ, бу жараён эркакларда аёлларга нисбатан сезиларли даражада шиддатли кечади. Таъкидланишича, эркак кишининг мияси аёлларникига қараганда қарийб икки баравар тезроқ "сўнади".
Видеоўйинлар — мия учун нажотми?
Аммо хавотирга ўрин йўқ, чунки мутахассислар бу жараённи тўхтатиш ва ҳатто орқага қайтариш йўлини топдилар. Энг қизиғи шундаки, бунинг учун қандайдир қимматбаҳо дорилар эмас, балки кўпчилик бефойда деб ҳисоблайдиган видеоўйинлар ёрдам беради.
Олимларнинг хулосасига кўра, компьютер ва видеоўйинлар мияни доимий равишда фаол ҳолатда сақлайди. Айниқса, қуйидаги жанрлар когнитив қобилиятни чархлайди:
- Стратегиялар (режалаштириш ва мантиқий фикрлаш);
- Спорт симуляторлари (реакция ва диққатни жамлаш);
- Экшн (шутер) ўйинлари (тезкор қарор қабул қилиш).
Тадқиқотчиларнинг таъкидлашича, доимий равишда (меъёрида) видеоўйинлар ўйнаш миянинг қариш жараёнини 10 йилгача секинлаштириши мумкин. Демак, севимли ўйинингиз қаршисида ўтказилган вақт нафақат ҳордиқ, балки мия учун ўзига хос "машқ" вазифасини ҳам ўтар экан.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.