Карам фойдали сабзавотлардан бири ҳисобланади. У таркибидаги витаминлар, толалар ва антиоксидант моддалар сабаб иммунитетни мустаҳкамлаш ҳамда овқат ҳазм қилиш тизимини яхшилашга ёрдам беради. Айниқса, парҳез тутаётган инсонлар орасида карамга талаб юқори.
Бироқ мутахассисларнинг айтишича, карамни ҳаддан ташқари кўп истеъмол қилиш айрим ноқулайликларни келтириб чиқариши мумкин. Энг кўп учрайдиган ҳолатлардан бири ичакларда газ тўпланиши ва дам бўлишидир. Бу айниқса ошқозон-ичак тизими сезгир инсонларда кучлироқ сезилади.
Шунингдек, қалқонсимон без фаолияти билан боғлиқ муаммоси бор инсонларга ҳам карамни эҳтиёткорлик билан истеъмол қилиш тавсия этилади. Чунки айрим ҳолларда карам таркибидаги моддалар ёд моддаси ўзлаштирилишига таъсир қилиши мумкин.
“Zamin”ни Telegram'да ўқинг!
