Коронавирусдан сўнг соч тўкилиши кузатилса, қандай йўл тутиш керак?

^{Фото: Grazia}
Агар сиз коронавирусдан кейин ҳар куни соч тўкилиши ҳолати ортиб бораётганини сезсангиз, унда қуйидаги маслаҳатлар сиз учун.

Коронавирусдан кейинги тиланиш сурункали ёки маълум касалликларга мойилликни кучайтиради. Шунинг учун соч тўкилиши билан андрогенетик алопеция (эркак типидаги соч тўкилиши, асосан фронтал ва париэтал зоналарда) бошланиши мумкин. Шунингдек, бош терисининг бутун юзасида бир хил йўқотиш бошланиши мумкин.

Соч тўкилиши меъёрий ҳолатми?
Коронавирусдан кейин соч тўкилиши касалликдан кейин тез-тез учрайдиган шикоятдир. У дарҳол бошланмайди, касалликдан 1,5-2 ой ўтиб кузатилади. Кимдир буни дарҳол касаллик билан боғлайди ва мутахассисга мурожаат қилади, кимдир сабабини тушунмайди, иккиланади ёки ўзи даво чораларини қўллаб кўради.

Агар душ қабул қилгандан кейин, шунингдек, куни бўйи кийимларда ҳам уларнинг миқдори кўп бўлса, бу мутахассисга мурожаат қилиш учун навбатдаги бир сигнал. Агар тароқда 3-5 дона соч толаси қолса, бу табиий жараён.

Қандай йўл тутиш керак?
Ушбу муаммо қанча эрта аниқланган бўлса, трихологга мурожаат қилиб, даволаниш бошланса, кўп соч тўкилишининг олди олинади. Шифокорлар томонидан физик текширувлар, бир қатор лаборатория таҳлиллари ва трихоскопия (бош терисини махсус оптик асбоб билан текшириш) ўтказилади.

Алопеция турига ва унга боғлиқ бўлган ҳолатларга қараб, дори воситаларини қабул қилиш орқали даволаниш буюрилади: тинчлантирувчи воситалар (ахир, бу ҳолат кўпинча стресс билан боғлиқ), микроэлементлар, витаминлар, аминокислоталар. Ташқи даволаниш эса уйда парвариш қилиш — шампунь ва кучайтирувчи ёки озиқлантирувчи ампулалар билан ва инъекция бўлиши мумкин.

Биргаликда бу усуллар янги қон томирларининг шаклланишини рағбатлантиради, соч фолликуласига ижобий таъсир қилади, яллиғланишнинг олдини олади ва бош терисининг ёғ ишлаб чиқаришини тартибга солади. Узоқ муддатли натижага эришиш учун алопецияни даволаш 2-3 ой давом этиши керак.

Уй шароитида даволаниш
Коронавирусдан кейин витаминлар ҳар қандай ҳолатда ҳам зарур: соч тўкиладими ёки йўқми, муҳим эмас. Аммо таркибида кератин, омега кислоталар ва коллаген борларини қабул қилиш керак. Улар соч тўкилиши билан боғлиқ муаммоларни олдини олишга ёрдам беради.

Бошни массаж қилиш соч фолликулаларини мустаҳкамлашга ва соч ўсишини рағбатлантиришга мукаммал ёрдам беради. Бунинг учун сиз махсус массаж чўткаси сотиб олиш ёки ҳар куни бармоқлар билан бошни массаж қилишингиз мумкин. Асосий қоида шундаки, қон айланиши яхшиланиши керак, бу керакли микроэлемент ва витаминларни етказиб беради. «Замин» янгиликларини «Вконтакти»да кузатиб боринг