Xitoyda qaysi mashinalar haqiqatan sifatli? Top–5 e’lon qilindi
Xitoy avtomobil bozorida eng sifatli modellarning reytingi e'lon qilindi. 1-o'rinda Audi Q6, 2-o'rinda Honda UR-V, 3-o'rinda Honda XR-V, 4-o'rinda Audi Q2L va 5-o'rinda Honda Avancier joylashgan. Reyting iste'molchilarning shikoyatlari asosida tuzilgan va muammolar kam bo'lgan modellarga yuqori baho berilgan.
Xitoy avtomobil bozorida modellar ko‘payib ketgan bir paytda, qaysi mashinalar haqiqatan ham sifatli ekaniga aniqlik kiritildi. China Automotive Quality Net platformasi mahalliy zavodlarda ishlab chiqarilayotgan yengil avtomobillar orasida eng ishonchli va muammosiz modellar reytingini e’lon qildi.
Reyting xitoylik iste’molchilarning shikoyatlari va salbiy fikrlari asosida tuzilgan. Qoida oddiy: kimda muammo kam — o‘sha yuqorida.
1-o‘rin — Audi Q6
SAIC–Volkswagen qo‘shma korxonasi ishlab chiqaradi.
Ushbu model haqida salbiy fikrlar juda kam bo‘lgan — atigi 140 “jarima” ball. Shu sababli reyting peshqadamiga aylangan.
2-o‘rin — Honda UR-V
Honda–Dongfeng qo‘shma korxonasi mahsuloti.
142 ball bilan ikkinchi o‘rinni egalladi. Mustahkamlik va ishonchlilik asosiy ustunlik sifatida qayd etilgan.
3-o‘rin — Honda XR-V
Ham Honda–Dongfeng zavodida ishlab chiqariladi.
143 ball — kichik farq, ammo baribir top-3 ichida.
4-o‘rin — Audi Q2L
FAW–Volkswagen qo‘shma korxonasi mahsuloti.
145 ball bilan to‘rtinchi o‘rinda. Kompakt, ammo sifatdan ortga chekinmagan.
5-o‘rin — Honda Avancier
Honda–GAC zavodida ishlab chiqariladi.
146 ball bilan reytingni yakunladi.
Izohlar 0
…