Yandex jamoasi «Yandex Drive» karshering xizmati avtoparki kengaytirilganini e'lon qildi. 2026 yil 29-apreldan boshlab Moskva va Sankt-Peterburg aholisi hamda mehmonlari 120 ta «Umo 5» elektromobilini ijaraga olishlari mumkin. Bu haqda Ixbt.com xabar beradi.
Xizmatdan foydalanish uchun haydovchi 18 yoshdan oshgan va «B» toifasidagi haydovchilik guvohnomasiga ega bo'lishi kifoya.
«Umo 5» — bu «Alisa» sun'iy intellekt yordamchisi orqali ovozli boshqariladigan elektr krossoverdir. Haydovchi yordamchidan oynani tushirishni, konditsionerni yoqishni yoki yo'nalish chizishni so'rashi mumkin.
14,6 dyuymli ekranli multimedia tizimi «Navigatsiya», «Musiqa» va «Kitoblar» kabi Yandex servislaridan foydalanish imkonini beradi.
Avtomobillar «Moskvich» zavodi maydonchasida ishlab chiqarilmoqda. Quvvati 204 ot kuchiga teng elektr dvigatel to'rt xil rejimda ishlaydi.
Mashina bir marta quvvatlanish bilan yozda 420 km, qishda esa 350 km masofani bosib o'tadi.
Ijara narxi bir daqiqa uchun 12 rubldan boshlanadi va qamrov hududi butun shaharni, jumladan aeroportlarni ham o'z ichiga oladi. Barcha avtomobillar telematika va datchiklar bilan jihozlangan bo'lib, ular haydash uslubini kuzatib boradi va haydovchining shaxsiy reytingini shakllantiradi.
“Zamin”ni Telegramʻda oʻqing!
