Rossiyaning Delimobil karshering xizmati internet aloqasi cheklangan yoki beqaror bo‘lgan hududlarda avtomobil ijarasini amalga oshirishning yangi usulini taqdim etdi. Endilikda foydalanuvchilar ovozli yordamchi yordamida transport vositasini boshqarish imkoniyatiga ega bo‘lishadi. Bu haqda Ixbt.com xabar beradi.
Yangi funksiyadan foydalanish uchun mijoz avval internet yoki Wi-Fi tarmog‘i mavjud bo‘lgan joyda avtomobilni ilova orqali band qilib qo‘yishi kerak. Avtomobil oldiga yetib borgach, ilovadagi maxsus tugma orqali qo‘llab-quvvatlash xizmatiga qo‘ng‘iroq qilish va ovozli robot ko‘rsatmalariga amal qilish kifoya.
Ovozli yordamchi foydalanuvchiga avtomobilni suratga olish va ularni tizimga yuklash jarayonida yo‘l-yo‘riq ko‘rsatadi. Bu yechim ayniqsa internet signali past bo‘lgan hududlarda qulaylik yaratish uchun ishlab chiqilgan.
Sayohat yakunlangach, avtomobil eshiklari Bluetooth texnologiyasi orqali avtomatik tarzda qulflanadi. Ijara jarayonini yakunlash uchun esa yana bir marta qo‘ng‘iroq qilish yetarli bo‘ladi.
“Zamin”ni Telegramʻda oʻqing!
