2026-yilda rasman BMW Group tarkibiga kirgan Alpina kompaniyasi yangi davrning ilk avtomobili — Vision BMW Alpina konsepsiyasini namoyish etdi. Mazkur hashamatli kupe brendning anʼanaviy qadriyatlari boʻlgan yuqori dinamika va qulaylik uygʻunligini oʻzida mujassam etgan. Bu haqda Ixbt.com xabar beradi.
Avtomobil uzunligi 5,2 metrni tashkil etib, BMW 5 Series va 7 Series modellari oraligʻidagi oʻrinni egallaydi. Kapot ostida joylashgan V8 dvigateli haqida aniq texnik maʼlumotlar oshkor etilmagan boʻlsa-da, ishlab chiqaruvchi uning oʻziga xos chuqur va jarangdor tovushga ega boʻlishini vaʼda qilmoqda.
Tashqi koʻrinishda BMW uchun xos boʻlgan yoritilgan katta «burun» panjaralari, «akula burni» uslubidagi old qism va 1971-yildan buyon brendning tashrif qogʻoziga aylangan 20 ta spitsali gʻildiraklar diqqatni tortadi. Old gʻildiraklar 22, orqalari esa 23 dyuymli oʻlchamda ishlab chiqilgan.
Salon qismi deyarli seriyali ishlab chiqarishga tayyor koʻrinishga ega. Interyerda Panoramic iDrive tizimi, yoʻlovchi uchun alohida ekran va minimal darajadagi jismoniy tugmalar oʻrin olgan. BMW Group Design rahbari Adrian van Xoydonkning soʻzlariga koʻra, yangi model Alpina avtomobillariga xos boʻlgan tezlik va qulaylik muvozanatini saqlab qoladi.
“Zamin”ni Telegramʻda oʻqing!
