19 yoshli yo‘lovchi 7 kilogrammdan ortiq mefedron bilan ushlandi

Tailanddan uchib kelgan 19 yoshli fuqaroning chemodani tekshirilganda, «quruq sut» ko‘rinishida qadoqlangan sintetik giyohvandlik vositasi aniqlangan.

Ma’lum qilinishicha, musodara qilingan modda mefedron bo‘lib, uning og‘irligi 7 kilogrammdan oshgan. Yigit ushbu yukni olib o‘tish evaziga 1000 dollar olishi lozim bo‘lgan.

Hozir voqeaning barcha tafsilotlari, giyohvandlik vositasining manbasi va unga aloqador boshqa shaxslar aniqlanmoqda.

Bunday jinoyatlar, xususan, narkotiklarni transmilliy usulda yoki internet platformalari orqali tarqatish qonunchilikka muvofiq 15 yildan 20 yilgacha ozodlikdan mahrum qilish bilan jazolanishi mumkin.