O‘zbekiston Respublikasi Prezidentining o‘tgan yilning 18 dekabridagi «Yuqumli bo‘lmagan kasalliklarning profilaktikasini, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida»gi qarori ijrosini ta’minlash hamda aholi orasida sog‘lom turmush tarzini keng targ‘ib etish maqsadida viloyat hokimligi tomonidan joriy yilning 12 may kuni Buxoro shahrida «Men sog‘lom turmush tarafdoriman» shiori ostida yurish bo‘yicha marafon va «Buxoro» sport majmuasida ommaviy badantarbiya o‘tkazildi. Marafonni viloyat hokimi O‘ktam Barnoyev boshqarib bordi.
Shu kuni ertalab viloyat hokimi o‘rinbosarlari, huquqni muhofaza qiluvchi idoralar, korxona va tashkilot mutasaddilari va xodimlari, taniqli estrada xonandalari va kino aktyorlari, talabalar, umuman olganda, sog‘lom turmush tarzini salomatlik asosi deb bilgan hamyurtlarimiz Buxoro neft va gaz sanoati kolleji yonida jam bo‘lishdi.
Tadbirda boks bo‘yicha jahon chempioni Shahram G‘iyosovning ishtirok etgani sport bilan shug‘ullanish barcha uchun ahamiyatli ekanligini isbotladi. O‘zbekiston mudofaasiga ko‘maklashuvchi «Vatanparvar» tashkiloti viloyat kengashi tomonidan yosh kartingchilarning ham ishtiroki ta’minlandi.
O‘n ming nafarga yaqin marafon qatnashchilari Buxoro neft va gaz sanoati kollejidan «Buxoro» sport majmuasiga bo‘lgan masofani bosib o‘tishdi. Majmuada esa badantarbiya mashqlari o‘tkazildi. Tadbirda so‘z olgan viloyat hokimi O‘ktam Barnoyev sog‘lom turmush tarzining ahamiyati xususida so‘z yuritar ekan, endilikda bu kabi tadbirlarni keng qamrovda va doimiy tarzda ravishda o‘tkazib turilishini ta’kidladi.
Sog‘lom turmush tarzining muhim shartlaridan biri bo‘lgan yurish va badantarbiya targ‘ibotiga hissa qo‘shish, bu borada aholi qiziqishini oshirishda barchani faollikka chorladi.
Jahon sog‘liqni saqlash tashkilotining ma’lumotiga ko‘ra, inson salomatligi 55 foiz holatda sog‘lom turmush tarziga, 20 foizi yashayotgan ekologik muhitiga, 15 foizi irsiy omillarga, bor yo‘g‘i 10 foizi tibbiyotga bog‘liq ekan. Demak, sog‘lom turmush tarziga muntazam ravishda amal qilish turli xastaliklardan xoli, chiroyli va baxtli yashash omilidir.
Manba: Xabar.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Osvensimda minglab yahudiylar «Tiriklar marshi» aksiyasini o‘tkazdi
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Ozish uchun qancha yugurish kerak?
Ot sporti. Konkur bo‘yicha yana bir turnir o‘tkazildi
Robert Levandovski: “Mbappe futbolchi va shaxs sifatida juda aqlli”
Rossiya tashqi ishlar vaziri Makronni Napoleon va Gitler bilan solishtirdi