Manchester Yunayted bosh murabbiyi Ruben Amorim jamoada oʻtkazgan birinchi yili haqidagi taassurotlari bilan oʻrtoqlashdi. Portugaliyalik mutaxassis oʻtgan yilning noyabr oyida isteʼfoga chiqarilgan Erik ten Hag oʻrniga tayinlangan edi.
"Ortda katta yoʻl qoldi. Juda ogʻir, baʼzan qiyin, baʼzan esa ijobiy lahzalar bilan boy yil boʻldi.
Men koʻp narsani oʻrgandim va eng qiyin paytlarda ham oʻz eʼtiqodimga sodiq qoldim. Kelajakda jamoada yana koʻp yil ishlashni xohlardim", – dedi Amorim The Touchline nashriga.
Oʻtgan mavsumda Manchester Yunayted Angliya Premer-ligasida 15-oʻrinni egallab, Yevropa Ligasi finaliga chiqdi, ammo unda Tottenxemga magʻlub boʻldi. Joriy APL mavsumining toʻqqiz turidan soʻng, "qizil iblislar" turnir jadvalida oltinchi oʻrinni egallab turibdi.
Mehmon guruhidagi foydalanuvchilar ushbu nashrga izoh qoldira olmaydi.
