Holland "Real"ga o'tishni xohlamoqda

Manchester Siti hujumchisi Erling Holland Madridning "Real" klubiga o'tishni xohlamoqda. Bu haqda jurnalist Jorj Pikon xabar berdi.

Manbalarga ko‘ra, ushbu ma'lumotni norvegiyalik futbolchining yaqinlari tasdiqlashgan. Hollandning shartnomasida bekor qilish bandi mavjud, ammo undagi to'lov miqdori haqida ma'lumot yo'q.

Uning "Real"ga o'tish ehtimolini braziliyalik futbolchi Vinisius Juniorning sotilishi kuchaytirishi mumkin, ammo ekspertlarning ta'kidlashicha, bunday transfer Vinisius qolganda ham amalga oshishi ehtimoli bor. Joriy mavsumda 25 yoshli Holland barcha turnirlarda 12 o'yinda ishtirok etib, 15 ta gol urdi va bir marta golli uzatma amalga oshirdi.

Hollandning "Manchester Siti" bilan shartnomasi 2034 yilgacha mo'ljallangan. Transfermarkt portali futbolchining transfer qiymatini 180 million yevroga baholamoqda.

“Zamin”ni Telegramʻda oʻqing!