Pedri: "Muxlislar tinchlanishi kerak"

Barselona jamoasining yarim himoyachisi Pedri jamoa muxlislariga murojaat qildi. Kataloniyaliklar joriy mavsumning boshida barqaror natijalar ko'rsatmayotgan bo'lsa-da, 22 yoshli futbolchining so'zlariga ko'ra, vaziyat yaxshilanadi.

"Muxlislarni xotirjamlikka chaqirmoqchiman. Biz vaziyatni tahlil qilib, o'tgan mavsum darajasiga yetish uchun nimani yaxshilash kerakligini allaqachon tushundik.

Xatolarni tuzatamiz va muxlislar yana kuchli Barselonaning o'yinidan bahramand bo'lishadi", – dedi Pedri ispan OAVlariga. Hozirgi vaqtda Barselona La Liga turnir jadvalida 12 turdan so'ng 28 ochko bilan ikkinchi o'rinni egallab turibdi.

Jamoa yetakchi Madridning Real klubidan uch ochko ortda. “Zamin”ni Telegramʻda oʻqing!