"Manchester Siti" himoyachisi Jon Stounz Chempionlar Ligasi umumiy bosqichining kelayotgan turida Madridning "Real" jamoasiga qarshi uchrashuvdan nimalar kutayotgani haqida gapirdi. "Shaharliklar" jamoasi seshanba kuni o‘z maydonida "Bayer"ga qarshi o‘yinda muvaffaqiyatsizlikka uchrab, 0:2 hisobiga mag‘lub bo‘ldi.
Ikkita hafta o‘tib, 10-dekabr kuni Pep Gvardiola shogirdlari "qaymoqranglilar" maydonida safar o‘yinini o‘tkazadi. "Bugungi mag‘lubiyatdan so‘ng paydo bo‘lgan motivatsiyani hisobga olgan holda, bu biz uchun hammasini to‘g‘rilash uchun ajoyib imkoniyatdir.
Bu oson bo‘lmaydi, lekin biz qiyin vazifalarni yoqtiramiz. Bizning har birimiz jamoaviy va individual darajada qiyinchiliklarga duch kelganmiz – barchasi ularga qanday javob berishingizga bog‘liq.
Umid qilamanki, yaxshi o‘yin ko‘rsatamiz va o‘zimizni tiklaymiz", – dedi Stounz UYEFA matbuot xizmatiga bergan intervyusida.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
