«Manchester Siti» bosh murabbiyi Pep Gvardiola «Manchester Yunayted»ga qarshi derbi oldidan hamyurtimiz Abduqodir Husanov haqida o‘z fikrlarini bildirdi. Ispaniyalik mutaxassisning ta’kidlashicha, himoyachi joriy mavsumda jamoada muntazam ravishda maydonga tushib, o‘zini barqaror ko‘rsatib kelmoqda.
Gvardiolaning aytishicha, «Arsenal»ga qarshi o‘yinda olingan jarohatdan keyin Husanov bir necha bahsni o‘tkazib yuborgan. Bu vaqt oralig‘ida esa Ruben Diash juda yaxshi formaga kirib, himoyada ishonchli harakat qilgani sabab tarkibda raqobat yanada kuchaygan.
Shunga qaramay, murabbiy Husanov haqidagi asosiy nuqtani ochiq aytdi: u har safar imkoniyat olganda, o‘zini munosib tutib, maydonda ishonchli o‘ynaydi. Ya’ni, «Xusa» chiqsa — “plyus” qo‘shadigan o‘yinchi, degan gap. Qisqasi, shans berilsa, u shansni “yo‘qotib qo‘ymaydi”.
Eslatib o‘tamiz, Manchester derbisi bugun Toshkent vaqti bilan soat 17:30 da start oladi. Muxlislar uchun esa bu o‘yin — nafaqat prinsipial to‘qnashuv, balki Husanovning maydonga tushishi mumkin bo‘lgan kecha ham.
“Zamin”ni Telegramʻda oʻqing!
