Real Madrid prezidenti Florentino Perez Santiago Bernabeu stadionida navbatdan tashqari prezidentlik saylovlari o‘tkazilishini rasman e’lon qildi. Bu qaror jamoaning mavsum davomidagi muvaffaqiyatsizliklari hamda kiyim almashtirish xonasidagi noxush vaziyatlar fonida qabul qilindi. Bu haqda Goal.com xabar beradi.
Matbuot anjumanida so‘zga chiqqan Perez klub boshqaruvini tanqid qilganlarga keskin javob qaytardi. U saylov jarayoni barcha uchun ochiq ekanligini va o‘zi ham ushbu kurashda ishtirok etishini ma’lum qildi. Prezidentning ta’kidlashicha, hozirgi asosiy maqsad klubni uning haqiqiy egalari bo‘lgan a’zolarga qaytarishdir.
Jamoa muxlislari kelgusi mavsumda kim murabbiylik qilishi haqidagi xabarlarni intiqlik bilan kutmoqda. Xususan, Jose Mourinho’ning Madridga qaytishi haqidagi mish-mishlar haqida so‘ralganda, Perez bu masalaga aniqlik kiritishdan bosh tortdi. U hozirgi bosqichda murabbiylar yoki futbolchilar haqida gapirmasligini, diqqatini saylov jarayoniga qaratganini bildirdi.
Perez o‘z faoliyatini himoya qilar ekan, klubni moliyaviy barqarorlashtirishdagi xizmatlarini alohida ta’kidladi. U o‘zini klubni tashqi ta’sirlardan va asossiz hujumlardan himoya qila oladigan yagona nomzod sifatida ko‘rsatdi.
“Zamin”ni Telegramʻda oʻqing!
