Samsung Galaxy S26 Ultra ekranidagi qizil tus muammosini tan oldi
Samsung Galaxy S26 Ultra ekranida paydo bo'layotgan qizg'ish tus muammosini rasman tan oldi va uning apparat qismiga aloqador emasligini bildirdi. Kompaniya nosozlik ekran kalibrlash jarayonidagi dasturiy xatolik sabab yuzaga kelganini ma'lum qildi. Samsung rasmiy servis markazlarida kafolat muddatidan qat'i nazar bepul takroriy kalibrlash xizmatini ko'rsatadi va bu ish murojaat qilingan kunning o'zidayoq bajarilishini va'da qilmoqda.
Samsung kompaniyasi Galaxy S26 Ultra flagman smartfonlari egalari duch kelgan displeydagi noodatiy nuqson yuzasidan ilk bor rasmiy bayonot berdi. Oxirgi haftalarda foydalanuvchilar qurilma ekranining markaziy qismida qizgʻish tusdagi toʻgʻri burchakli soha paydo boʻlayotganidan ommaviy ravishda shikoyat qilishgan edi. mazkur holat texnologiya olamida qizgʻish muhokamalarga sabab boʻlgan va xaridorlarni xavotirga solgandi. Bu haqda Ixbt.com xabar beradi.
ixbt.com maʼlumotiga koʻra, kompaniyaning rasmiy bayonoti Janubiy Koreyadagi foydalanuvchilar uchun moʻljallangan Samsung Members ilovasida eʼlon qilingan. Samsung vakillari mazkur nosozlik smartfonning apparat qismiga (temiriga) aloqador emasligini va qurilma qismlari shikastlanmaganini alohida taʼkidladilar.
Nosozlik sababi va uning bartaraf etilishi
Ishlab chiqaruvchining tushuntirishicha, muammoga ekran kalibrlash jarayonidagi dasturiy nosozlik sabab boʻlgan. Ushbu texnik xatolikni bartaraf etish maqsadida Samsung oʻzining rasmiy servis markazlarida bepul xizmat koʻrsatishni yoʻlga qoʻydi.Qayd etilishicha, takroriy kalibrlash ishlari smartfonning kafolat muddati tugagan yoki tugamaganidan qatʼiy nazar amalga oshiriladi. Shuningdek, servis xizmati mijozlarga qulaylik yaratish maqsadida murojaat qilingan kunning oʻzidayoq bajarilishi vaʼda qilinmoqda.
Masofaviy yangilanish va kelgusi rejalar
Biroq foydalanuvchilar servis markazlariga shaxsan borish majburiyatidan tez orada ozod etilishi mumkin. Kompaniya hozirgi vaqtda notoʻgʻri kalibrlashni avtomatik tarzda toʻgʻrilash imkonini beruvchi maxsus dasturiy yangilanish ustida qizgʻin ish olib bormoqda.Yangi dasturiy taʼminot chiqariladigan aniq sana keyinroq eʼlon qilinishi kutilmoqda. Yangilanish tayyor boʻlgach, foydalanuvchilar smartfonni servisga olib bormasdan turib, masofaviy tarzda muammoni bartaraf etish imkoniga ega boʻladilar.
Samsung oʻz bayonotida yuzaga kelgan noqulayliklar uchun mijozlardan rasman uzr soʻradi. Korxona vakillari xaridorlarga eng yaxshi tajribani taqdim etish yoʻlida harakat qilishda davom etishini va qoʻllab-quvvatlash uchun minnatdorlik bildirdi.
Izohlar 0
…