Ortiqcha tuz iste’moli oshqozon saraton xavfini oshiradi

Sho‘r ovqatga o‘rganish saraton xavfini kuchaytiradi: mutaxassislardan jiddiy ogohlantirish
Sog‘lom ovqatlanish har bir inson hayotida muhim o‘rin tutadi. Ammo afsuski, zamonaviy turmush tarzi va kundalik odatlar orqali ko‘plab insonlar o‘z salomatligiga bee’tibor munosabatda bo‘lib, turli xastaliklarga o‘zi bilmagan holda zamin tayyorlamoqda. Jumladan, ortiqcha tuzli ovqatlarga moyillik oshqozon saraton xavfini oshirishi mumkin.

Bu haqda gastroenterolog, tibbiyot fanlari nomzodi Andrey Xaritonov ta’kidladi.

Uning so‘zlariga ko‘ra, doimiy ravishda sho‘r ovqatlarni iste’mol qilish oshqozon devorlaridagi hujayralarning bo‘linish sur’atini keskin oshiradi. Bu esa hujayra muvozanatining buzilishiga, “noqonuniy” sinishlarga va natijada saraton xavfining ortadigan holatlarga olib kelishi mumkin.

Qancha tuz xavfsiz hisoblanadi?
Jahon sog‘liqni saqlash tashkiloti (JSST) tavsiyalariga ko‘ra, inson bir kunda besh grammdan ortiq tuz va 25 grammdan ortiq shakar iste’mol qilmasligi lozim. Bu miqdorlar mos ravishda taxminan bir choy qoshiq tuz va olti choy qoshiq shakarga teng.

Biroq hayotimizda chipslar, tayyor polufabrikatlar, ketchup, mayonez, kolbasa, konserva va turli tez tayyorlanadigan ovqatlar kabi tuz va qand miqdori yuqori bo‘lgan mahsulotlar juda keng tarqalgan. Ular esa tavsiya etilgan chegaradan ancha oshib ketadi.

Ortiqcha tuz va shakarning zarari faqat oshqozon bilan chegaralanmaydi
Andrey Xaritonovning qayd etishicha, me’yordan ortiq tuz va shakar iste’moli nafaqat oshqozon-ichak tizimi, balki yurak-qon tomir tizimi, buyraklar, endokrin bezlar hamda umumiy immunitetga ham salbiy ta’sir ko‘rsatishi mumkin.

Nima qilish kerak?
- Sho‘r va shirin ovqatlar iste’molini cheklash;
- Tabiiy, uyda tayyorlangan ovqatlarga ustuvorlik berish;
- Ovqatlarni tayyorlashda ko‘proq ko‘kat, sabzavot va tabiiy mahsulotlardan foydalanish;
- Raqamlarga ahamiyat berish — mahsulot yorliqlaridagi tuz va qand miqdoriga e’tibor qaratish.

Salomatlik taom tanlovidan boshlanadi. Ovqatlanish madaniyatini yaxshilash orqali ko‘plab kasalliklarning oldini olish mumkin. Tuzli taomlarni sevish har doim ham bezarar odat emasligini unutmang. “Zamin”ni Telegramʻda oʻqing!