Ўзбекистон аҳолиси 2,1 фоизга ўсди

Ўзбекистонда доимий аҳоли сони 2020-йилга нисбатан 712,4 минг кишига(2,1%) ошиб, 35,6 миллион кишини ташкил этди, дея хабар беради Давлат статистика қўмитасининг мамлакатдаги демографик вазият бўйича ҳисоботида. Аёллар сони 346,6 минг кишига(2%), эркаклар сони 365,7 минг кишига (2.1%) га ошди.

Бирлашган Миллатлар Ташкилотининг Аҳолишунослик жамғармаси маълумотларига кўра, 2021 йилда дунё аҳолисининг умумий сони 7,8 миллиард кишини ташкил қилади. Ўзбекистон аҳоли сони бўйича 43-ўринда.

Ўзбекистоннинг шаҳар аҳолиси 17,9 миллион кишига (жами аҳолининг 50,8 %), қишлоқ аҳолиси 17,35 миллион кишига (49,2 %) етди.

Ҳудудлар кесимида аҳоли умумий сонида энг катта улуш Самарқандда – 4 миллион киши, Фарғонада – 3,8 миллион, Қашқадарёда – 3,4 миллион ва Андижонда – 3,2 миллион кишига тўғри келади. «Замин»ни Telegram’да ўқинг!