Термизда Ўзбекистондаги иккинчи Ислом институти давлат рўйхатидан ўтказилиб, абитуриентлар қабул қилишни бошлади. Шунингдек, илк бор Имом Бухорий номидаги Тошкент ислом институтида магистратура йўналишига қабул очилди.
Ислом институти ўрта махсус ислом таълим муассасасининг узвий давоми сифатида Адлия вазирлигида давлат рўйхатидан ўтказилди.
Ўзбекистон мусулмонлари идорасининг маълум қилишича, таълим муассасасида ўқиш муддати 4 йил бўлиб, бакалавр даражасидаги олий диний маълумотли – ҳадис илмлари, диний фанлар ва араб тили бўйича мутахассислар тайёрланади.
Шунингдек, диний идора Имом Термизий номидаги Ислом институтига 2024-2025 ўқув йили учун қабул ҳам очилганини билдирди. Ўқишга кириш истагида бўлган абитуриентлардан ҳужжатларни қабул қилиш 2024 йил 14 августдан 20 августга қадар давом этади. Қабул ҳайъатига қуйидаги ҳужжатларни тақдим этади:
- таълим муассасаси ректори номига ариза;
- паспорт ёки ID карта нусхаси (асли кўрсатилади);
- ўрта махсус ислом таълим муассасасини тамомлагани тўғрисидаги ҳужжат (диплом) ва унинг иловаси асл нусхада;
- 3,5 х 4,5 ҳажмдаги 6 дона рангли фотосурат (сўнгги уч ойда олинган ва орқа фони оқ рангда бўлиши талаб этилади).
Абитуриентлар қуйидаги фанлар бўйича қабул имтиҳонларини топширади:
- Араб тили (тест синови) 30 Х 3,1 – 93 балл;
- Ҳадис ва мусталаҳул ҳадис (ижодий имтиҳон) 63 балл;
- Ўзбекистон тарихи (тест синови) 30 Х 1,1 – 33 балл.
Араб тили бўйича В2 даражасидаги миллий ёки халқаро сертификатга эга бўлган абитуриентларга ушбу фандан имтиҳонларсиз белгиланган максимал балл берилади. Шунингдек, таълим муассасасига ҳужжат топшириш учун абитуриентлардан базавий ҳисоблаш миқдорининг ярим баравари (170 минг сўм) миқдорида тўлов ундирилади.
Бундан ташқари, Ўзбекистон мусулмонлари идораси 2024-2025 ўқув йилидан илк бор Имом Бухорий номидаги Тошкент ислом институтининг магистратура йўналишига ҳам қабул жараёни бошланишини маълум қилди.
Тошкент ислом институти магистратура мутахассислигига абитуриентлардан ҳужжатларни қабул қилиш 14 августдан 20 августга қадар давом этади.
Мусулмонлар идораси тизимидаги диний таълим муассасаларига қабул жараёнлари ҳақида ушбу ҳавола орқали янгиликларни кузатиб боришингиз мумкин.
Диний идора маълумотларига кўра, 2024-2025 ўқув йили учун муфтият тасарруфида 4 та олий ва 10 та ўрта махсус диний таълим муассасалар ишлаб турибди. Уларда қабул имтиҳонларида иштирок этиш мақсадида 6,5 мингга яқин абитуриент рўйхатдан ўтган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ким Чен Ин ҳарбийларни жанговар ҳолатда туришга чақирди
Дунёнинг машҳур аёллари кунни қандай бошлайди?
Диний қўмита Умра зиёратини ташкил қилиш учун 12 та турфирмага лицензия берди
22 ноябрь куни Cobalt автомобилига шартнома очилиши эълон қилинди
Халқаро жиноят суди Исроил бош вазири Нетаньяхуни ҳибсга олишга ордер берди
Хонанда Рухшона уйланмаган йигитга турмушга чиққани ҳақида сўзлаб берди
Starlink учун яна 20 та сунъий йўлдош орбитага учирилди
Баҳодир Жалолов: “Менга чемпионлик жангини беришса, ҳар қачон уни бажонидил қабул қиламан”
