GM Uzbekistan бош директори вазифасини вақтинча бажарувчининг ваколати узайтирилди

GM Uzbekistan АЖ акциядорларининг навбатдан ташқари йиғилиши компания Бош директори вазифасини вақтинча бажарувчининг ваколатларини узайтирди.

Акциядорлар Рустам Ражабовнинг Бош директор вазифасини вақтинча бажарувчи лавозимидаги ваколатларини 2016 йил якунлари бўйича акциядорларнинг навбатдаги йиллик умумий йиғилиши ўтказилгунга қадар чўзишган, дейилади Кун нашрида.

Компания хабарига кўра, навбатдаги йиллик умумий йиғилиш 2017 йилнинг июнь ойида ўтказилади.