16 июль: Шамолли, қуруқ ва қисман ёмғирли кун

Ўзбекистоннинг деярли барча ҳудудларида 16 июль куни ҳаво ҳарорати юқори бўлади, айрим жойларда шамол тезлиги ортиши ва қисқа муддатли ёмғирлар кузатилиши мумкин. Бу ҳақда “Ўзгидромет” маркази жорий кун учун об-ҳаво маълумотини эълон қилди.

Тошкент шаҳрида- ҳаво бир оз булутли, вақти-вақти билан ўзгариб туради. Тун ва эрталаб қисқа муддатли ёмғир ёғиши ва момақалдироқ кузатилиш эҳтимоли бор. Шарқдан секундига 3–8 м тезликда шамол бўлади, баъзи жойларда унинг кучи 10–13 м/с гача етиши мумкин. Ҳарорат тунги пайт 20–22°, кундузи 33–35° даража бўлади.

Қорақалпоғистон ва Хоразмда- об-ҳаво асосан қуруқ ва ўзгарувчан. Шарқдан секундига 7–12 м тезликда шамол эсади. Айрим жойларда у 13–18 м/с гача кучайиши, ҳатто чанг-тўзонлар билан ҳам кечиши мумкин. Тунги ҳарорат 18–23°, кундузи 33–38° даража.

Бухоро ва Навоий вилоятларида- ҳаво бироз булутли, ёмғир кутилмайди. Шамол 7–12 м/с тезликда, лекин айрим жойларда 18–23 м/с гача кучайиши ва чанг-тўзонлар кузатилиши мумкин. Тунги ҳарорат 18–23°, кундузги ҳарорат 33–38° даража атрофида бўлади.

Тошкент вилоятида- айрим ҳудудларда қисқа муддатли ёмғир ва момақалдироқ кузатилиши мумкин. Шамол 13–18 м/с гача кучайиши эҳтимоли бор. Тунги ҳарорат 18–23°, кундузи 32–37°.

Самарқанд, Жиззах ва Сирдарё вилоятларида- ҳаво қуруқ, лекин ўзгарувчан бўлиши кутилмоқда. Шамол айрим жойларда 18–23 м/с гача кучайиши мумкин. Ҳарорат тунги 18–23°, кундузи 32–37° даража.

Қашқадарё ва Сурхондарё вилоятларида- ҳам ҳаво бироз булутли, лекин ёмғир ёғмайди. Шамол 7–12 м/с, лекин баъзи ҳудудларда 23 м/с гача кучайиши мумкин. Ҳарорат тунги 20–25°, кундузи 34–39°.

Андижон, Наманган ва Фарғона вилоятларида- айрим ҳудудларда қисқа муддатли ёмғир ва момақалдироқ бўлиши мумкин. Шамол 13–18 м/с гача кучайиши мумкин. Тунги ҳарорат 19–24°, кундузги 30–35° даража.

Тоғли ҳудудларда- қисман ёмғир ва момақалдироқ кутилмоқда. Шамолнинг кучайиши 13–18 м/с гача етиши мумкин. Тунги ҳарорат 10–15°, кундузи 23–28° даража атрофида бўлади. «Замин»ни Telegram’да ўқинг!