Абитуриентлар учун 6-йўналиш имконияти яратилди
2025/2026-ўқув йили учун бакалавриат йўналишларидаги бўш ўринларга қўшимча қабул қилиниб, абитуриентларга 6-йўналишни танлаш имконияти берилади. Унда 2025-йилги кириш имтиҳонларида 56,7 балл ва ундан юқори натижа кўрсатган, аммо талабаликка тавсия этилмаганлар ҳамда рўйхатдан ўтишнинг иккинчи босқичида йўналиш танламаганлар қатнашиши мумкин. Онлайн рўйхатдан ўтиш 2025-йил 25-сентабрдан 3-октабргача мй.uzbmb.uz орқали амалга оширилади.
Давлат қабул комиссияси маълумотига кўра, 2025/2026-ўқув йили учун бакалавриат таълим йўналишларида бўш қолган ўринларга қўшимча қабул амалга оширилади, деб uz24.uz хабар берди. Яъни абитуриентларга 6-йўналиш имконияти берилади.
Бу имкониятдан кимлар фойдаланиши мумкин?
– 2025 йилги кириш имтиҳонларида 56,7 балл ва ундан юқори натижа кўрсатган, аммо тўғридан-тўғри талабаликка тавсия этилмаганлар;
– рўйхатдан ўтишнинг иккинчи босқичида йўналиш танламай қолган абитуриентлар.
Қабул муддати:
– 2025 йил 25 сентябрдан 3 октябрга қадар my.uzbmb.uz орқали онлайн рўйхатдан ўтиш мумкин;
– рўйхатдан ўтганлар тўплаган баллари бўйича кетма-кетликда базавий тўлов-контракт асосида талаба сифатида тавсия этилади;
– рўйхатдан ўтиш жараёнида фанлар мажмуасига мос йўналишни танлаш мумкин;
– танлов натижалари 2025 йил 8 октябрга қадар эълон қилинади ва тегишли олий таълим муассасаларига юборилади.
Вакант ўринлар ҳақидаги маълумотлар БМАА расмий веб-сайтида эълон қилинади. Абитуриент йўналиш танлаётганда фақат фанлар мажмуасига мос ва бўш ўрин мавжуд бўлган йўналишлар рўйхатини кўради.
Изоҳлар 0
…