2025/2026 ўқув йили учун Олий таълим вазирлиги янги тартиблар асосида табақалаштирилган тўлов-контракт миқдори белгиланган. Бу қарор, давлат комиссиясининг баёнига мувофиқ, кириш имтиҳонлари натижаларига кўра 56,7 ва ундан юқори балл тўплаган, лекин талабаликка тавсия этилмаган абитуриентлар учун қабул жараёнида амалга оширилади.
Табақалаштирилган тўлов-контракт миқдорини ректорлар (директорлар) мустақил белгилайди. Тўлов-контрактнинг минимал миқдори университетлар ва олий таълим муассасаларидаги ҳар бир бакалавриат йўналиши ва таълим шаклига кўра ўзига хос белгилаш тартибига асосланади.
Қабул чегараларига 4,05 баллгача етмаган абитуриентлар учун табақалаштирилган тўлов-контракт миқдорлари Вазирлар Маҳкамасининг 2025 йил 13 сентябрдаги 578-сон қарорига асосан белгиланади, 4,05 баллдан ортиқ балл етмаган абитуриентлар учун табақалаштирилган тўлов-контракт миқдори олий таълим муассасаларининг ректорлари томонидан базавий тўлов-контрактнинг 3,0 баробаридан кам бўлмаган миқдорда белгиланади.
Барча олий таълим ташкилотлари 2025 йил 25 сентябрга қадар 2025/2026-ўқув йили учун бакалавриат таълим йўналишлари ва таълим шакллари бўйича табақалаштирилган тўлов-контрактнинг минимал миқдорлари тасдиқланиб, расмий веб-сайтларда эълон қилинади.
Шунингдек, абитуриентларга бир йиллик ўқитиш қийматининг 50 фоизини 2025 йил 31 октябрга қадар тўлаш имконияти берилади, бу эса уларга ўқиш учун молиявий юкни енгиллаштиришга ёрдам беради.
Бакалавриат таълим йўналишларига кириш имтиҳонлари натижаси бўйича танловда иштирок этиб, иккинчи-бешинчи бакалавриат таълим йўналишларидан бири бўйича давлат гранти ёки тўлов-контракт асосида талабаликка тавсия этилган абитуриентлар, ўз хоҳишлари бўйича табақалаштирилган тўлов-контракт асосида ўқишга рухсат олишади.
Ушбу янги тизим абитуриентларга қўшимча имкониятлар яратиш, уларнинг таълим олишдаги танловларини янада кенгайтиришга ва таҳсилни молиялаштиришдаги барча талабларни қондиришга қаратилган.
«Замин»ни Telegram’да ўқинг!
