Ўзгидромет маълумотига кўра, иш ҳафтаси давомида республикамиз ҳудудида асoсан қуёшли ва жуда илиқ об-ҳаво сақланади, ёғингарчилик кутилмайди. Ҳарорат фони иқлимий меъёрдан бироз юқори бўлиб туради.
Кечалари ҳаво +8…+13° атрофида, кундузлари ҳафтанинг бошида +20…+25° ни ташкил этади. Ҳафта охирига келиб ҳарорат +23…+28° гача кўтарилади, жанубий ва чўл минтақаларида эса +30…+32° қайд этилиши мумкин.
10 октябр, жума куни республика шимолида айрим жойларда шамол 13–18 м/с гача кучайиши эҳтимоли бор, баъзи ҳудудларда чанг-тўзон кузатилиши мумкин.
Тошкент шаҳрида об-ҳаво асосан бироз булутли, ёмғир кутилмайди. Шамол шарқдан 3–8 м/с тезликда эсади. Душанба кундузи пойтахтда +22…+24°, ҳафта давомида кечалари +9…+12°, кундузлари +23…+26° атрофида бўлиши прогноз қилинган.
Метео-маслаҳат: шамол кучайиши эҳтимоли бўлган кунларда ҳовли-том аҳволини текшириб қўйинг, чанг-тўзон кузатилса, респиратор/ниқобдан фойдаланинг ва узоқ вақт очиқ ҳавода қолмаслик тавсия этилади.
“Zamin”ни Telegram'да ўқинг!
