Ўзбекистонда МЧЖлар улуши 78 фоиздан ошди

Миллий статистика қўмитаси 2025 йил 1 ноябр ҳолати бўйича тижорат субьектлари ҳақида янгиланган маълумотларни эълон қилди. Расмий ҳисоботга кўра, мамлакатда жами 399,8 мингта тижорат ташкилоти фаолият юритмоқда.

Уларнинг асосий қисмини — 313 мингдан зиёди масъулияти чекланган жамиятлар (МЧЖ) ташкил этади. Бу кўрсаткич умумий корхоналар сонининг 78,3 фоизига тўғри келади.

Ташкилий-ҳуқуқий турлари бўйича корхоналар тақсимоти қуйидагича:

Масъулияти чекланган жамиятлар — 313 043 та (78,3%);

Хусусий корхоналар — 46 776 та (11,7%);

Оилавий корхоналар — 36 161 та (9%);

Акциядорлик жамиятлари — 632 та (0,2%);

Бошқа шаклдаги корхоналар — 3 199 та (0,8%).

Маълумотлардан кўриниб турибдики, Ўзбекистонда бизнес юритишнинг энг оммабоп шакли ҳали ҳам МЧЖ бўлиб қолмоқда.

Charos Zarqarayeva

«ZAMIN.UZ» муҳаррири