Марказий разведка бошқармаси «совуқ уруш» даврига оид махфий ҳужжатларни ошкор қилди, бу ҳужжатларда Ўзбекистон номи ҳам қайд этилган.
МРБ сайти орқали қидирув берилганида Ўзбекистон тилга олинган 2259 та ва «Uzbek» сўзи қайд этилган 3982 та ҳужжат чиқади. Америкаликларни нима қизиқтирган?
Барча нарса — иқтисодиёт, инфраструктура, сиёсий қизиқишлар, республикадаги совет армияси қисмлари жойлашуви, тиббиёт ва фан. Масалан, АҚШ разведкасини пахта ва Ўзбекистон ирригацион тизими жудаям қизиқтирган. Ошкор қилинган маълумотлардан бири Катта Фарғона каналидаги тўғон суратидир.
Америкалик жосусларнинг Ўзбекистонда қандай фаолият юритишгани ҳақида маълумотлар берилмаган — улар ҳали ҳам махфийлик тамғаси остида турибди.
Республикадаги вазият ҳақидаги маълумотни улар асосан очиқ манбалардан олишган.
Ошкор қилинган маълумотларнинг аксарияти совет газеталаридан кўчирмалар, теледастурларни ҳикоя қилиб бериш ва совет олимлари диссертацияларининг мазмунидан иборат.
Америкаликлар барча совет газеталари, журнал ва ҳафталикларини ўқиб боришган. Масалан, тиббиёт соҳасидаги маълумотларни «Медицинский работник» журналидан олишган. Янгиликлар манбаси сифатида улар йирик эмас, маҳаллий — «Андижанская правда», «Правда Востока» ва бошқа газеталардан фойдаланишган. Улар учун «История СССР», «География в школе» илмий журналлари йирик статистика манбаси бўлган. Масалан, Ўзбекистоннинг совет ҳокимияти давридаги дастлабки 25 йил давомида эришган ютуқларини улар СССР тарихи журналидан билишган. Ошкор этилган архивда ҳақиқий жосуслик маълумотлари кам. Лекин улар учраб туради. Масалан, республика транспорт вазирлиги биносининг батафсил тасвирланиши. Ҳисоботда ҳатто кабинетлар жойлашуви туширилган чизма ҳам бор.
Америка разведкаси сайтида жами бўлиб 13 миллион ҳужжат ошкор этилган. Улар орасида НУЖларни кузатиш ва инсоннинг яширин имкониятларини ўрганиш бўйича яширин тадқиқотлар ҳақидаги маълумотлар ҳам мавжуд. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ҳар пайшанба жисмоний тарбия ва спорт куни сифатида белгиланади
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Ҳусийлар Исроил авиабазасига гипертовушли ракета билан зарба берди
Мeтаболизм секинлашганининг белгилари
Туркия ўзининг биринчи квант компютерини тақдим этди
