Европа тикланиш ва тараққиёт банки делегацияси Тошкентга келди

6 февраль куни Европа тикланиш ва тараққиёт банкининг (ЕТТБ) Марказий Осиё ва Россия бўйича бошқарувчи директори Наталия Ханженкова бошчилигидаги делегация Тошкентга келди. Ўзбекистон Ташқи ишлар вазири Абдулазиз Комилов бугун ушбу делегация вакилларини қабул қилди, деб хабар беради "Дийдоразиз".

Учрашув чоғида Ўзбекистон ва ЕТТБ ўртасидаги ҳамкорликнинг устувор йўналишлари муҳокама қилинди, икки томон муносабатларида вужудга келган муайян тўхталиш ҳамкорликнинг ҳолати ва истиқболларига замонавий шартлар асосида янгича нигоҳ ташлашга имкон бериши таъкидланди.

Шунингдек, ЕТТБ президенти Сума Чакрабартининг Ўзбекистонга бўлажак ташрифи кун тартиби ҳам кўриб чиқилди.
Суҳбат давомида томонларни қизиқтирган бошқа масалалар юзасидан ҳам фикр алмашилди. «Замин»ни Telegram’да ўқинг!