Ўзбекистонда фаолият юритаётган Хитой фуқаролари томонидан содир этилган бетартиб ҳаракатларга ҳуқуқий баҳо берилди. Ижтимоий тармоқларда кенг муҳокамаларга сабаб бўлган видеолавҳада хорижликлар ўзбек сўмини ёқиб, ундан тамаки тутатиш учун фойдалангани акс этган эди.
Мазкур ҳолат юзасидан олиб борилган суриштирув ишлари натижасида, қонунбузарлар ўз қилмишлари учун халқ олдида узр сўрашга мажбур қилинди. Аммо иш фақат маънавий жазо билан чекланиб қолмади.
Миллий рамзимиз бўлган миллий валютага нисбатан ҳурматсизлик қилган ҳар бир ишчига нисбатан кескин молиявий жазо чораси қўлланилди:
Жарима миқдори: БҲМнинг 100 баравари;
Суммада: Ҳар бир ҳуқуқбузар 41 миллион сўмдан тўлайдиган бўлди.
Ушбу вазият Ўзбекистон ҳудудида меҳмон бўлиб турган ҳар қандай шахс учун мамлакат қонунлари ва миллий қадриятларини ҳурмат қилиш шарт эканлигини яна бир бор эслатди. Юртимизда қонун устуворлиги ва жазонинг муқаррарлиги таъминланди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
