Қозоғистон элчиси Давлат рақобат қўмитасида бўлди

Жорий йилнинг 21 февраль куни Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Раиси Д.Хидоятов ва Қозоғистон Республикасининг Ўзбекистондаги фавқулодда ва мухтор элчиси жаноб Е.Утембаев билан учрашув бўлиб ўтди. Бу ҳақда қўмита ахборот хизматига таяниб Кун.уз хабар берди.

Учрашувда қўмита раиси Хусусийлаштириш дастури ҳақида, шунингдек корпоратив бошқарув ва хусусийлаштириш соҳасидаги амалиётга тадбиқ этилаётган янгиликлар тўғрисида батафсил маълумот берди. Булар орасида бугунги кунда кенг миқёсда амалга оширилаётган ИПО дастурлари ва инвесторлар ҳуқуқларининг тўлиқ ҳимоя қилиш механизмларига алоҳида тўхталиб ўтди.

Суҳбат давомида тарафлар мамлакатлар ўртасидаги ҳамкорликни янада чуқурлаштириш йўллари ҳақида фикр алмашдилар. Хусусийлаштириш дастури меҳмонда катта қизиқиш уйғотди ва унга ўз мамлакатларининг ишчи доираларини кенг жалб қилиш керак эканлиги таъкидланди. Инвесторлар учун қизиқарли соҳалар сифатида кимё саноати, туризм, транспорт, қурилиш материаллари, молиявий ва бошқалар кўрсатиб ўтилди.

Учрашув сўнггида томонлар ҳамкорликни кучайтириш юзасидан бир қатор аниқ чора-тадбирлар, жумладан мутасадди ташкилотлар ўртасида алоқаларни кучайтириш, ташкил этилаётган бизнес форумларда иштирок этиш, тадбиркорларнинг ишчи сафарларини ташкил этиш ҳамда истиқболли лойиҳаларни ташкил этиш орқали инвесторларнинг қизиқишларини уйғотиш кабилар белгилаб олинди. “Замин” янгиликларини “Инстаграм”да кузатиб боринг