27 февраль куни Ўзбекистон бўйлаб энг баланд ҳарорат Қашқадарё ва Сурхондарёда

Бошланаётган янги иш ҳафтасида сизга омад тилаган ҳолда 27 февраль, душанба куни учун об-ҳаво маълумотларини тақдим этамиз.

Демак, 27 февраль куни Тошкент шаҳрида ҳаво ҳарорати очиқ бўлиши кутилмоқда. Ҳарорат кундузи +16... +18, кечаси эса +3.. +5 даража илиқ бўлади. Ёғингарчилик кузатилмайди. Шарқдан секундига 3-8 метр тезликда шамол эсади, деб ёзади "Qalampir".

Фарғона, Наманган ва Андижонда кун давомида ҳаво ҳарорат +10... +15, кечаси эса 0...+5 бўлиши кутилмоқда. Шарқдан секундига 3-8 метр тезликда шамол эсади.

Самарқанд, Бухоро, Навоий, Жиззах ва Сирдарё вилоятларида ҳаво ҳарорат ўзгариб туради. Кундузи +13... +18 даража иссиқ кузатилади. Бухоро ва Навоийда кечаси ҳаво ҳарорати +2... +7 даража илиқ бўлади. Самарқанд, Жиззах ва Сирдарёда 0... +5 даража бўлиши айтилмоқда.

Қорақалпоғистон Республикаси ва Хоразмда деярли бир хил об-ҳаво кузатилади. Ҳарорат кундузи +5... +10 кечаси, 0... +5 даража бўлади.

27 февраль куни Ўзбекистон бўйлаб энг баланд ҳарорат Қашқадарё ва Сурхондарё вилоятларида қайд этилади. Икки вилоятда ҳаво ҳарорати кундузи +15... +20, кечаси +5... +10 бўлиши кутилмоқда.

Ҳар қандай об-ҳавода ҳам бошлаган ишингиз бароридан келсин. Ҳафтани хуш кайфият билан бошласангиз, албатта, омад сизга кулиб боқади.

Янгиликлар