Гиёҳванд моддасини уйида сақлаган бир гуруҳ тошкентлик қўлга олинди

Тошкент шаҳар Ички ишлар Бош бошқармаси томонидан гиёҳвандлик воситалари билан қонунга хилоф равишда муомала қилишга қарши олиб борилаётган тадбирлар доирасида ўз хонадонида марихуана гиёҳвандлик моддасини сақлаётган фуқаролар аниқланди, деб ёзади Kun нашри.

Пойтахтнинг Юнусобод туманида ўтказилган тезкор тадбирлар давомида 1972 йилда туғилган, муқаддам наркотик моддалари ноқонуний савдоси учун жазо ўтаб чиққан, Муталов Шохрух Мухиддинович, 1964 йилда туғилган, муқаддам судланган, Юлдашев Фахриддин Мамаражабович ҳамда 1983 йилда туғилган, Мирзаев Абдурасул Абдухалиловичлар қўлга олиниб, уларнинг ёнидан ва яшаш хонадонидан жами
299 грамм марихуана гиёҳвандлик воситаси далилий ашё сифатида олинган.

Мазкур ҳолат бўйича Жиноят кодексининг 273-моддаси 5-қисми, яъни гиёҳвандлик воситаларини кўп миқдорда қонунга хилоф равишда сотиш билан жиноят иши қўзатилиб, барча шахсларга нисбатан қамоқ эҳтиёт чораси қўлланилди. «Замин»ни Telegram’да ўқинг!