Тошкентдан Чорвоққа мунтазам автобус қатнови ички туризмни қўллаб-қувватлаш ва аҳоли ҳамда меҳмонлар учун транспорт имкониятларини яхшилаш ишлари доирасида 2026 йил 23 мартдан қайта йўлга қўйилади.
Қайта тикланган 1226-сонли йўналишга Тошшаҳартрансхизмат таркибидаги Тошавтобустранс компанияси хизмат кўрсатади. Йўналиш Машинасозлар метро бекатидан Чорбоғга, яъни Ҳумсон қалъасигача қатнайди.
Йўловчиларга 47 ўринли ва кондиционерли замонавий MAN RR3 сайёҳлик автобуслари хизмат кўрсатади. Йўл ҳақи 25 000 сўм этиб белгиланди, йўловчилар эса тўловни нақд пулда ёки банк картаси орқали амалга оширишлари мумкин бўлади.
Автобуслар ҳар куни Машинасозлар метро бекатидан соат 6:00 дан йўлга чиқади. Қатновлар ҳар 1,5 соатда амалга оширилади, сафар эса тахминан 1 соат 30 дақиқа давом этади. Чорвоқ томондан охирги автобус соат 20:30 да жўнаб, Машинасозлар метро бекатига соат 22:00 да етиб келади.
Йўналиш Ҳумсон қалъасига етиб боргунга қадар Махтумқули кўчаси, Янги Ўзбекистон боғи, Хўжикент ҳудуди ва Чиноркент орқали ўтади.
“Zamin”ни Telegram'да ўқинг!
