Россия ва Ўзбекистон меҳнат вазирлари музокаралар ўтказди

  • 29 март 2017, 11:02
  • 4 104
  • Ўзбекистон
  • Россия ва Ўзбекистон меҳнат вазирлари музокаралар ўтказди
    Ўзбекистон Меҳнат вазири Азиз Абдуҳакимов Россия меҳнат ва ижтимоий ҳимоя вазири Максим Топилин билан Москвада музокаралар ўтказди, деб ёзади Дарё нашри.

    Учрашув доирасида томонлар Россия ва Ўзбекистон ўртасида 1994 йил 9 сентябрда имзоланган ишчиларга майиблик, касбий касаллик ёки уларнинг соғлиғига етган меҳнат мажбуриятларини бажариши билан боғлиқ бошқа зарарлар учун товон пули олиш ҳуқуқларини ўзаро тан олиш тўғрисидаги битимнинг ижро этилиши устидан мониторинг ўтказиш тартибини имзолади.

    Максим Топилин таъкидлашича, мониторинг жабрланганларга тўловлар ўз вақтида ҳисоблаб берилишини таъминлайди.

    Икки мамлакат вазирлари Ўзбекистон ва Россия ҳукуматлари ўртасидаги Ўзбекистон фуқароларини Россия ҳудудида меҳнат фаолиятини амалга ошириш учун ташкилий жалб этиш ҳақидаги битим лойиҳасини муҳокама қилди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Россия ва Ўзбекистон меҳнат вазирлари музокаралар ўтказди