12:31 / 02.04.2017
6 593

Юнусобод туманидаги икки йилга мўлжалланган метро қуриш лойиҳаси муддатидан олдин тугатилиши мумкин

Юнусобод туманидаги икки йилга мўлжалланган метро қуриш лойиҳаси муддатидан олдин тугатилиши мумкин
2001 йилда шаҳарнинг аҳоли зич ҳудудларидан бири бўлган Юнусобод туманида узунлиги 7,6 километр бўлган, олтита бекатдан иборат Тошкент метроси «Юнусобод» йўналишининг биринчи босқичи ишга туширилган эди. Айни пайтда «Ўзбекистон темир йўллари» акциядорлик жамиятига қарашли қурилиш ташкилотлари «Юнусобод» йўлининг «Шаҳристон» ва «Туркистон» бекатларигача бўлган масофада қурилиш ишларини ҳам давом эттирмоқда. Бу ҳақда «ЎзА»га таяниб «Дарё» хабар бермоқда.

Ушбу икки бекат оралиғидаги масофа 2,7 километрни ташкил қилади. Бу юмушларни бажаришда 50 дан ортиқ замонавий техника ва 200 нафардан зиёд ишчи кучидан фойдаланяпмиз. Лойиҳа бўйича қурилиш ишлари икки йилга мўлжалланган бўлса-да, биз уни муддатидан олдин ниҳоясига етказишга ҳаракат қилмоқдамиз.

Санжар Юсупов, «Кўприк қурилиш трести»нинг 67-кўприк қурилиш отряди раҳбари

Шу кунларда бу ердаги мавжуд иккита шахта ва туннелда қурилиш ишлари авж паллага кирган. Қурувчилар электрлаштириш жараёнига ҳам алоҳида эътибор қаратиб, энг замонавий ер ости йўли барпо этишга интилмоқда.

Биз метро қурилишларини бошлашдан аввал Жанубий Корея, Хитой, Россия каби давлатларнинг мутахассислари билан тажриба алмашдик. Эндиликда қурувчиларимиз ер усти метросини қуришни ўзлаштирмоқда.

Ҳусниддин Ҳосилов, «Ўзбекистон темир йўллари» акциядорлик жамияти бош менежер-бош муҳандиси

Айни пайтда метро йўналишларида фойдаланиладиган кўркам вагонлар «Тошкент йўловчи вагонларини қуриш ва таъмирлаш заводи» акциядорлик жамиятида тубдан таъмирланмоқда, янгилари ишлаб чиқарилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Юнусобод туманидаги икки йилга мўлжалланган метро қуриш лойиҳаси муддатидан олдин тугатилиши мумкин