Тадбиркорларнинг пластик карталаридан исталган харидни амалга оширишга рухсат берилди

  • 25 апрель 2017, 07:31
  • 4 546
  • Ўзбекистон
  • Тадбиркорларнинг пластик карталаридан исталган харидни амалга оширишга рухсат берилди
    Ўзбекистон Марказий банки "Якка тартибдаги тадбиркорлар томондан миллий валютадаги банк карталаридан фойдаланиш тартиби тўғрисида"ги Низомга ўзгартиришлар киритди.

    Янги ўзгаришларга кўра, эндиликда якка тартибдаги тадбиркорлар банк карталари орқали нафақат ишлаб чиқариш эҳтиёжлари билан боғлиқ тўловларни амалга оширишлари, балки исталган товарни харид қилишлари ёки исталган кўринишдаги хизматга ҳақ тўлашлари мумкин бўлади.

    Бундан ташқари, тадбиркор ўз банк картасини бошқа шахсларга ишлатиш учун бериши мумкин.

    Бундай тўловлар амалга оширилганда квитанция ва счётлар асл нусхалари, уларга илова қилинадиган ва терминал орқали тўловни қабул қилган хизматчи томондан имзоланган ҳамда "тўланди" печати қўйилган банкомат, инфокиоск ва терминал квитанциялари ҳисобот ҳужжатлари ҳисобланади. Шу билан бирга томонлар, яъни сотувчи ва банк картаси эгаси ўртасида тегишли шартнома тузишга ҳам ҳожат бўлмайди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Тадбиркорларнинг пластик карталаридан исталган харидни амалга оширишга рухсат берилди