35 йилда Ўзбекистонда мактаблар сони қанча кўпайди?

Ўзбекистонда 2025/2026 ўқув йили бошида фаолият юритаётган умумий ўрта таълим ташкилотлари сони 11 118 тани ташкил этди. Миллий статистика қўмитаси маълумотларига кўра, бу кўрсаткич 1991/1992 ўқув йилидаги 8 557 та мактабга нисбатан қарийб 30 фоизга кўп.

Ҳисоб-китобларга кўра, мустақиллик йилларида мамлакатдаги умумий ўрта таълим ташкилотлари сони 2 561 тага ошган. Сўнгги йилларда ҳам мактаблар сонида изчил ўсиш кузатилмоқда.

Хусусан, 2025/2026 ўқув йилидаги кўрсаткич 2024/2025 ўқув йилига нисбатан 175 тага, 2020/2021 ўқув йилига нисбатан эса 937 тага кўп.

Мактаблар сонининг йиллар кесимидаги кўрсаткичи қуйидагича:

• 1991/1992 – 8 557 та;

• 1995/1996 – 9 289 та;

• 2000/2001 – 9 726 та;

• 2005/2006 – 9 803 та;

• 2010/2011 – 9 806 та;

• 2015/2016 – 9 720 та;

• 2020/2021 – 10 181 та;

• 2021/2022 – 10 289 та;

• 2022/2023 – 10 522 та;

• 2023/2024 – 10 750 та;

• 2024/2025 – 10 943 та;

• 2025/2026 – 11 118 та.

Умуман олганда, сўнгги йиллардаги рақамлар мамлакатда умумий ўрта таълим муассасалари тармоғи босқичма-босқич кенгайиб бораётганини кўрсатмоқда. Айниқса, 2020/2021 ўқув йилидан буён мактаблар сони қарийб 9 фоизга ошган.