Ўзбекистон Ашхобод шаҳрида Афғонистон бўйича ўтказиладиган конференцияга таклиф этилди

2017 йил 16 июнда Ўзбекистон Республикаси Ташқи ишлар вазирлигида Туркманистон фавқулодда ва мухтор элчиси Шири Шириев ҳамда Афғонистон Ислом Республикаси элчиси Сайид Шаҳобиддин Тимурий билан учрашув бўлиб ўтди. Бу ҳақда «Вазирлик матбуот хизмати»га таяниб «Дарё» хабар берди.

Учрашувда кўп томонлама ташкилотлар доирасидаги уч давлат ҳамкорлигининг долзарб жабҳалари муҳокама қилинди.

Элчилар Туркманистон ва Афғонистон ташқи ишлар вазирлари номидан Ўзбекистон томонига Ашхобод шаҳрида ўтказилиши режалаштирилган Афғонистон бўйича минтақавий иқтисодий ҳамкорликка бағишланган 7-конференцияга (RECCA-VII) расмий таклифномани тақдим этди. “Замин” янгиликларини “Twitter”да кузатиб боринг