Жорий йилда Ўзбекистон Республикаси Президенти Шавкат Мирзиёев тиббиёт ходимлари билан бўлган учрашувда бундан буён тиббий таълим тизимида жиддий ўзгаришлар бўлиши, хусусан ушбу йилдан бошлаб ҳудудлар бўйича мақсадли қабул бошланиши ҳақида маълум қилган эди.
Кейинчалик 2017 йил 5 май куни “2017/2018 ўқув йилида Ўзбекистон Республикасининг олий таълим муассасаларига қабул тўғрисида”ги Президент қарорига асосан, Ўзбекистон Республикасининг тиббиёт олий таълим муассасалари бакалавриатига давлат грантлари асосида мақсадли қабул квоталари тасдиқланди.
2017 йил 20 июнь куни Ўзбекистон Республикаси Вазирлар Маҳкамасининг 393-сонли қарори билан тасдиқланган “Олий таълим муассасаларининг бакалавриатига талабаларни ўқишга қабул қилиш тартиби тўғрисида”ги Низомда мақсадли қабул бўйича тартиб белгиланди.
Бугунги кунда тиббиёт олийгоҳлари биринчи бор янги тартибда абитуриентлардан ҳужжат қабул қилишмоқда. Қабул комиссияси ҳужжат топшириш чоғида абитуриентлардан аризасида мақсадли қабул бўйича топширмоқчими ёки контракт асосидами, шунга аниқлик киритишни сўрашмоқда.
Давлат тест маркази сайтида мақсадли қабул жойларига топширилган ҳужжатлар алоҳида, ҳудудлар кесимида кўрсатиб борилмоқда.
ДТМ сайтидан скриншот
Ўз-ўзидан биринчи марта бўлаётган тартиб бўйича аҳолида кўплаб саволлар, тушунмовчиликлар пайдо бўлмоқда. Ҳуқуқшунос Хушнудбек Худайбердиев ўз сайтида бу борада энг кўп берилаётган саволларга жавоб беришга ҳаракат қилган.
Мақсадли қабулга ҳудуд бўйича доимий прописка асосида қабул қилинадими?
Низомнинг 10-бандига асосан, мақсадли қабулда қатнашмоқчи бўлган абитуриентлар тегишли ҳудудда яшаётган бўлиши лозим. Агар доимий пропискаси ўша ҳудудда бўлсаю, лекин мақсадли қабулга тушмайдиган ҳудудда яшаётган бўлса, унда ўша абитуриент мақсадли қабулда қатнаша олмайди.
Мақсадли қабулга ўша ҳудуддаги лицей ёки коллежни тугатган бўлиши шартми?
Энг кўп берилаётган савол айнан мана шу бўлмоқда. Сабаби кўплаб вилоятлик ёшлар ўрта махсус таълимни Тошкент шаҳрида олишган. Айниқса тиббиёт йўналишида. Аммо Тошкент шаҳри учун мақсадли қабул ажратилмаган. Яъни Тошкент шаҳридаги тиббиёт коллежлари ва академик лицейларни тугатган абитуриентлар, гарчи асли доимий яшаш манзили вилоятларда бўлса ҳам, давлат гранти асосида қабул қилинмайди, улар учун фақат тўлов-контракт асосида ўқиш имкони мавжуд.
Низомнинг 10-бандига мувофиқ тегишли ҳудудларга ажратилган мақсадли қабул квоталарига фақат тегишли ҳудудда яшаётган ва ҳудуднинг ўрта махсус, касб-ҳунар таълими муассасалари томонидан берилган дипломга эга бўлган абитуриентлар ҳужжат топшира олади.
Демак, хулоса шундайки, сурхондарёлик ўсмир Тошкент шаҳри ёки бошқа ҳудудда ўқиган бўлса, Сурхондарё вилояти учун ажратилган жойга ҳужжат топшира олмайди.
Агар мақсадли қабулга топширган абитуриентнинг тўплаган балли давлат грантига етмасаю, лекин контрактга кириш учун етса, унда контракт асосида қабул қилинадими?
Ҳа, қабул қилинади. Низомнинг 3-бандига асосан, мақсадли қабул танловида қатнашиб давлат гранти асосида қабул қилинмаган абитуриентлар мазкур таълим йўналишида тўплаган тест баллари билан умумий тўлов-контракт доирасидаги танловда иштирок этади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Айрим бошқарув сервис компаниялари шартномаларида асоссиз шартлар белгилангани аниқланди
Шимолий Корея Россияга узоққа зарба берувчи қуроллар юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Рашида Толиб Конгресс аъзоларига «аччиқ ҳақиқат»нинг суратини кўрсатди
Шольц ва Путин ўртасидаги суҳбат Киевга сигнал бўлди
Эрон АҚШдан 1 трлн доллар компенсация талаб қилди
Туркиянинг Harper’s Bazaar нашри йил аёлини аниқлади (фото)
20 ёшли ўзбекистонлик қизни қариндоши Туркияга сотиб юборди
