Ёз чилласининг сўнгги кунларида мўтадил ҳарорат кутилмоқда

Гидрометеорология хизмати марказининг хабар беришича, эртага Ўзбекистон бўйлаб ҳаво ҳарорати ўзгариб туради, айрим ҳудудларда ёмғир ёғиши эҳтимоли мавжуд, деб ёзади Qalampir.uz нашри.

4 август кунининг об-ҳаво маълумоти билан танишинг.

Тошкентда ҳаво булутли бўлиши кутилмоқда. Ҳарорат кундузи +31... +33, кечаси эса +21... +23 даража бўлади. Шамол сониясига 12-17 метр тезликда эсади.

Фарғона, Наманган ва Андижонда кундузи ҳарорат +28... +33 даража, кечаси эса +22... +27 даражада бўлиши кутилмоқда. Шамол тезлиги 12-17 метр сонияни ташкил этади.

Самарқанд, Жиззах ва Сирдарёда ҳаво ўзгариб туради. Ҳарорат кундузи +31... +36, кечаси эса +20... +25 даража бўлиб, шамол шарқдан сониясига 5-10 метр тезликда эсади.

Қорақалпоғистон Республикаси ва Хоразм вилоятида ҳаво булутли бўлиб, ҳарорат кундузи +31... +36, кечаси +20... +25 даражани ташкил этади. Шамол сониясига 5-10 метр тезликда эсиши кутилмоқда.

Бухоро ва Навоий вилоятларида ҳам ҳаво булутли бўлади. Ҳаво ҳарорати кундузи +31... +36, кечаси +20... +25 даража ташкил этиб, шамол шарқдан сониясига 5-17 метр тезликда эсиши мумкин.

Қашқадарё ва Сурхондарё вилоятларида ҳам ҳаво ўзгариб туради. Ҳаво ҳарорати кундузи +35... +40 даража, кечаси эса +22... +27 даражага кўтарилиши кутилмоқда. Шамол шарқдан сониясига 5-17 метр тезликда эсиши мумкин.

Янгиликлар