Наманганда 200 дан ошиқ профилактика инспекторига хизмат уйи ва автомобиль топширилди

Наманган вилоят ИИБ томонидан учинчи бор ўтказилаётган профилактика инспекторларининг тантанали қасамёд қабул қилиш маросими бу гал Наманган шахридаги «Баркамол авлод» спорт мажмуасида ташкил этилди. Бу ҳақда «Дарё» нашри хабар бермоқда.

Вилоятнинг турли маҳаллаларида фаолият олиб бораётган 207 нафар профилактика инспектори қасамёд қабул қилди. Уларга хизмат уйи хамда узоқ муддатли имтиёзли кредит эвазига берилган машина калити топширилди.

Шахсий автомобилга эга бўлган профилактика инспекторлари орасида Президент Шавкат Мирзиёев Наманганга ташрифи чоғида совға сифатида хизмат автомашинаси топширган «Орзу» маҳалласи профилактика инспектори Оқилжон Иқболов ҳам бор.

Йил якунига қадар вилоятдаги барча профилактика инспекторлари хизмат уйи ва шахсий машина билан таъминланиши кўзда тутилган. «Замин»ни Telegram’да ўқинг!