Соғлиқни сақлаш вазири Алишер Шодмонов Ўзбекистон тиббиётида жорий этиладиган «Ақлли тиббиёт» ва «Ягона тиббий маълумотлар маркази» ҳақида батафсил сўзлаб берди. Бу ҳақда «Sputnik»га таяниб «Дарё» хабар берди.
Вазирнинг сўзларига кўра, «ақлли технологиялар»нинг асосий мақсади — кам вақт ва куч сарфлаб, юқори натижага эришишдир.
Ўзбекистонда «Ақлли тиббиёт»нинг асосини «Ягона тиббий маълумотлар маркази» ташкил қилади.
«Ягона тиббий маълумотлар маркази» – беморнинг амбулатор картаси, касалликлар тарихи киритилган электрон маълумотлар базасидир. Бу базада бола дунёга келишидан бошлаб, саломатлиги билан боғлиқ барча маълумот, эмлаш ва даволанишлари киритиб борилади. Беморни даволовчи шифокорда ушбу базага кириш, қўшимча маълумот жойлаштириш имконияти мавжуд бўлади.
Ушбу тизимнинг олдинги, қоғозда ёзиладиган амбулатор картасига нисбатан устунлик томонлари кўп:
инсон омили билан боғлиқ хатоларга йўл қўйилмайди, масалан: карта йўқолиши, маълумотлар тўлиқ ёки умуман ёзилмаслиги
муолажа тайинлашда беморнинг бутун касаллик тарихи, илгари олган муолажалари билан танишиш имконияти тезлашади
Қайд этилишича, «Ақлли тиббиёт» тизими — шифокорга замонавий ахборот технологиялари ёрдамида бемор билан алоқа ўрнатиш ва масофадан туриб даволаш имконини беради.
Бемор танасига ўрнатилган махсус датчик ва чиплар орқали шифокор қаерда бўлишидан қатъи назар, мижоз саломатлиги ҳақидаги муҳим маълумотлардан хабардор бўлишини таъминлайди.
Мисол учун, ҳаётий кўрсаткичлар —тана ҳарорати, қондаги қанд миқдори, артериал қон босими ҳақидаги ахборот шифокорга келиб туради. Бу сурункали ва яширин кечувчи касалликлар профилактикасида, уларни аниқлаш, беморнинг саломатлиги ҳолатини мониторинг қилиш ва даво чораларини тайинлашда муҳимдир.
Ҳозирда «Ақлли тиббиёт»нинг илк хизмат турлари Ўзбекистонда жорий этила бошланди. Хусусан, «электрон навбат», «беморнинг электрон карточкаси», «электрон рўйхатга олиш», «электрон рецепт» тизими ва «электрон дорихона», «электрон ордер» каби хизмат ва сервислар яратилмоқда. Телемедицина, мобил медицина (мобил хизматлар, m-Health), электрон таълим ривожлантириш жадал олиб борилмоқда.
Ушбу «Ақлли тиббиёт» тизими йирик лойиҳа бўлиб, уни амалга ошириш учун Соғлиқни сақлаш вазирлиги билан бир қаторда Молия, Инновацион ривожланиш, Ахборот технологиялари ва коммуникацияларини ривожлантириш ва Иқтисодиёт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамкорликда олиб борилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Тадбиркорларга қўлланадиган молиявий жарима камайтирилади
Дунёдаги энг бой араб шайхининг рафиқаси қандай кўринишга эга?
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
