Ўзбекистон Республикаси Президенти Шавкат Мирзиёев 8 июнь куни кечқурун Хитойнинг Циндао шаҳрига етиб боради. Бу ҳақда Президентнинг матбуот котиби Комил Алламжонов Циндаода журналистлар учун ташкил этилган брифингда маълум қилди.
Президент 9-10 июнь кунлари Шанхай ҳамкорлик ташкилоти Давлат раҳбарлари кенгашининг ўн саккизинчи мажлисида иштирок этади.
«Давлатимиз раҳбари 9 июнь куни Хитой Халқ республикаси раҳбари Си Жинпинг, Россия Федерацияси президенти Владимир Путин, Ҳиндистон бош вазири Нарендра Моди билан икки томонлама учрашувлар ўтказади.
ШҲТ саммитининг асосий тадбирлари 10 июнь кунига белгиланган. Бу йилги саммитнинг ўзига хос томони шундаки, у бу сафар илк бор «саккизлик» форматида ўтказилади.
Циндаода ташкилотга аъзо мамлакатлар давлат раҳбарлари аввал тор доирада, кейин кузатувчи мақомидаги давлатлар етакчилари билан биргаликда кенг доирада музокаралар ўтказади. Ушбу учрашувларда сиёсат, хавфсизлик, савдо, иқтисодиёт, инвестиция ва маданий-гуманитар соҳалардаги ҳамкорликни ривожлантириш масалалари муҳокама қилинади. Музокаралар якунида қатор кўп томонлама ҳужжатлар имзоланади.
Жумладан, Циндао декларацияси қабул қилиниши, Терроризм, сепаратизм ва экстремизмга қарши курашиш бўйича 2019-2021 йилларга мўлжалланган ҳамкорлик дастури, Узоқ муддатли яхши қўшничилик, дўстлик ва ҳамкорлик тўғрисидаги шартнома қоидаларини амалга ошириш бўйича 2018-2022 йилларга мўлжалланган ҳаракатлар режаси, Ёшларга мурожаат ва бошқа ҳужжатлар имзоланиши режалаштирилган.
2018-2019 йилларда ташкилотга раислик қиладиган давлат тўғрисида қарор қабул қилиш, кейинги уч йиллик даврга ШҲТ бош котиби ва Минтақавий аксилтеррор тузилмаси Ижроия қўмитаси директори лавозимларига номзодларни тасдиқлаш кўзда тутилмоқда.
Президент Шавкат Мирзиёев шу куни Покистон Ислом Республикаси Президенти Мамнун Ҳусайн ҳамда БМТ раҳбарияти билан учрашув ўтказиши ҳам режалаштирилган.
Халқаро анжуманлардаги тажрибадан келиб чиқиб, яна қўшимча учрашувлар бўлиши мумкинлигини ҳам истисно қилмаймиз. Давлатимиз раҳбари иштирокида ўтадиган учрашув ва тадбирлар ҳақида оммавий ахборот воситалари орқали хабар бериб борамиз», деди Комил Алламжонов. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
