4 883
Ўзбекистонга электрон виза олиш учун қайси давлат фуқаролари энг кўп мурожаат қилди?
2018 йил 15 июлдан бошлаб Ўзбекистонда туристик мақсадларда мамлакатга кириш учун электрон визаларни расмийлаштириш ва бериш тизими жорий этилди. Kun.uz хабар беришича, жорий йилнинг 15-19-июль кунлари 534 нафар хорижлик фуқаро электрон визани олиш учун мурожаат қилган.
35 мамлакатдан электрон виза олиш учун ариза берилди. Улар орасида Хитой, АҚШ ва Буюк Британия етакчилик қилмоқда. Хусусан, Хитойдан 100та мурожаат, АҚШ - 82, Буюк Британиядан 54 та мурожаат келиб тушди.
Таъкидланганидек, 265 нафар фуқаро визаларни олиб бўлди, 269 мурожаат эса тегишли ташкилотлар томонидан кўриб чиқилмоқда.
Хабар қилинишича, рад жавобини бериш ҳолатлари кузатилмаган.
Эслатиб ўтамиз, ушбу тизим хорижий фуқароларнинг республиканинг чет элдаги дипломатик ваколатхоналари, консуллик муассасаларига туристик визани расмийлаштириш учун мажбурий мурожаат қилиш тартибини бекор қилишини назарда тутади.
Чет эл фуқаросига электрон визалар Ўзбекистон ҳудудида 30 кун муддат давомида бир марта бўлиш учун берилади. Виза берилган кундан бошлаб 90 кун давомида амал қилади.
Электрон визани расмийлаштириш ва рўйхатдан ўтказиш учун аризаларни кўриб чиқиш муддати ариза топширилган кунни ҳисобга олмаган ҳолда икки иш кунини ташкил этади.
Электрон визани расмийлаштириш учун ариза Ўзбекистон Республикасига ташриф буюриш режалаштирилган санадан камида уч иш куни олдин тақдим этилиши керак.
Электрон визани бериш тўғрисидаги мурожаатни кўриб чиқиш учун консуллик йиғими - 20 АҚШ доллари.
Тўлов халқаро тўлов тизимлари орқали электрон кўринишда амалга оширилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Россия дунёдаги биринчи водород ёқилғили автомобилни тақдим этди
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади
Зоир Мирзаев “Телефонсиз мактаб”га 300 млн сўм мукофот берди
Германияда мактаб ўқувчилари оммавий равишда ислом динини қабул қилмоқда
Мария Захарова украиналикларни Америка ҳиндуларига ўхшатди