Ўзбекистон ва Тожикистон чегарасида янги назорат-ўтказиш пунктлари очилиши тўғрисидаги келишувга ўтган йилнинг август ойида Имомали Раҳмоннинг давлат ташрифи ва Ўзбекистон Республикаси президенти Шавкат Мирзиёев билан музокаралар давомида эришилганди, деб хабар бермоқда Азия-Плюс агентлиги.
Яқин вақт ичида Тожикистон-Ўзбекистон чегарасида янги назорат-ўтказиш пункти иш бошлайди - «Боботоғ». «Боботоғ» назорат-ўтказиш пункти халқаро мақомга эга бўлмайди, ундан икки мамлакат фуқаролари, шунингдек, Тожикистон ва Ўзбекистон фуқароларига тегишли транспорт воситалари ўтказилади, дея таъкидлайди нашр.
Янги назорат-ўтказиш пункти кундузги вақтда ишлайди. Шунингдек, қайд этилишича, Тожикистон ва Ўзбекистон чегара идоралари икки давлат чегарасида янги назорат-ўтказиш пунктларини очиш бўйича масалани ўрганиб чиқмоқда.
Дастлабки маълумотларга кўра, жорий йилда икки давлат чегарасида 3 тадан 15 тагача янги назорат-ўтказиш пункти очилиши мумкин.
Янги назорат-ўтказиш пунктлари Тожикистон ва Ўзбекистоннинг чегараолди ҳудудлари аҳолиси ўртасидаги алоқаларни янада барқарор ривожлантиришга хизмат қилади, давлатлар чегарасидаги бошқа назорат-ўтказиш пунктларида навбатлар оқимини камайтиради.
2002 йилда имзоланган ҳукуматлараро битимга мувофиқ, Тожикистон ва Ўзбекистон чегарасида 16 та назорат-ўтказиш пункти ташкил этилган, шу жумладан, 9 таси халқаро мақомга эга.
Кўплаб назорат-ўтказиш пунктлари 2000-йиллар ўрталарида икки томонлама муносабатларнинг кескинлашиши ортидан билан ёпилган ва ўтган йилнинг бошига қадар фақат иккита назорат-ўтказиш пункти тўлақонли фаолият юритган: бири Турсунзода-Сариосиё йўналиши бўйича, иккинчиси эса Бўстон-Бекобод йўналишида.
Ўтган йил март ойида Душанбега Шавкат Мирзиёевнинг давлат ташрифи олдидан 16 та назорат-ўтказиш пункти тўлиқ ишга тушди.
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди